İki Asiya və dörd Avropa ölkəsi 2024-cü ildə ən güclü pasportların sahibi olub.


Sfera.az xəbər verir ki, beynəlxalq konsaltinq şirkəti Henley&Partners tərəfindən aparılan araşdırmanın nəticələrinə görə, siyahıda Rusiyanın reytinqi aşağı salınıb.

Siyahının liderləri Almaniya, Fransa, İspaniya, İtaliya, Yaponiya və Sinqapur olub. Bu ölkələrin vətəndaşları təhlil edilən 227 dövlətdən 194-nə vizasız giriş imkanına malikdir.

İsveç, Finlandiya və Cənubi Koreya 193 vizasız ölkə ilə ikinci yerdədir. Üçüncü yerdə Hollandiya, Danimarka, Avstriya və İrlandiya qərarlaşıb.


Rusiya reytinqdə 51-ci yeri tutub. Bu ölkənin vətəndaşları viza almadan 119 istiqamətə səyahət edə bilərlər. 2023-cü ildə Rusiya Federasiyası bu reytinqdə 49-cu yeri tutub.


Reytinqdə sonuncu yerdə Əfqanıstan qərarlaşıb. Əfqanıstan sakinləri yalnız 28 ölkəyə vizasız səyahət edə bilərlər.

Əzizə