Donald Trampa AĞIR İTKİ

ABŞ-nin keçmiş birinci xanımı Melaniya Trampın anası Amaliya Knavs 78 yaşında vəfat edib.

Sfera.az xəbər verir ki, bu barədə Melaniya Tramp X sosial platformasında (əvvəllər Tvitter) paylaşım edib:

"Amaliya Knavs ləyaqətli və güclü qadın idi. Biz onun üçün hədsiz dərəcədə darıxacağıq və onun irsinə hörmət etməyə və sevməyə davam edəcəyik”.

Edilən qısa açıqlamada ölüm səbəbi açıqlanmayıb.

Xatırladaq ki, Donald Tramp bu ay Floridada keçirilən tədbirdə Sloveniya əsilli qayınanasının çox xəstə olduğunu bildirmişdi. Amaliya Knavs və əri Viktor 2018-ci ildə xanım Trampın sponsorluğu ilə yaşıl kart vasitəsilə ABŞ-də yaşadıqdan sonra ABŞ vətəndaşı olublar.

O, Sloveniyanın Sevnitsa şəhərində toxuculuq fabrikində işləyib, əri Viktor isə avtomobil satıcısı olub. Melaniya Tramp isə Sloveniyanın paytaxtı Lyublyanada orta məktəbdə oxuyub. Donald Trampla 1998-ci ildə model kimi işləyərkən tanış olub və 2006-cı ildə ondan Barron adlı oğlu var. Elə həmin il də ABŞ vətəndaşı olub.

Firuzə Əliyeva