“WhatsApp” messenceri yeni funksiya ikə istifadəçiləri sevindirməyə hazırlaşır.


Sfera.az xəbər verir ki, "WABetaInfo" portalının yaydığı məlumata görə, tətbiq istifadəçiləri proqramda stikerlər yaratmağa və redaktə etməyə imkan verən yeni funksiyadan istifadə edə biləcəklər.

Mütəxəssislər bildiriblər ki, messencerdə istifadəçilərin tətbiqdə stikerlər yarada biləcəkləri variantı olacaq. Bundan əlavə, "WABetaInfo" ekspertlərinin qeyd etdiyi kimi, istifadəçilər mövcud şəkilləri redaktə etmək imkanı əldə edəcəklər.

“WhatsApp stikerlərinin yaradılması funksiyası, eləcə də fon silmə aləti istifadəçilərə üçüncü tərəf alətlərindən istifadə etmədən stikerləri cəld yaratmağa və redaktə etməyə imkan verəcək”, - "WABetaInfo" vurğulayıb.

Yeni seçim artıq "TestFlight" proqramından iOS üçün "WhatsApp"n ən son versiyasını quraşdırmış bəzi beta testçiləri üçün əlçatandır. Yaxın gələcəkdə funksiyanın geniş istifadəçilər üçün əlçatan olacağı gözlənilir.

İnci