Ötən il 6 719 nəfər müəllim kimi işə götürülüb. 

Sfera.az Təhsil Nazirliyinə istinadən xəbər verir ki, 2023-cü ildə müəllimlərin işə qəbulu ilə bağlı müsabiqələr davam etdirilib. 2023-cü ildə müsabiqələr nəticəsində 4 368 nəfər müddətsiz, 2 351 nəfər müddətli olmaqla işlə təmin olunub. 

Bunlardan başqa 2 529 nəfər əlavə yerdəyişmə mərhələsi üzrə müddətli müqavilə ilə işə götürülüb. 

İşə götürmə ilə bərabər çoxlu sayda təhsilverən iş yerini dəyişə bilib. 2023-cü ildə təxminən 1300 müəllim müsabiqə və qarşılıqlı şəkildə iş yerini dəyib. 

Onlardan 1 219 nəfər müsabiqə nəticəsində, 91 müəllim isə elektron qaydada qarşılıqlı şəkildə iş yerini dəyişib. 

İşə qəbulla yanaşı ötən il çoxlu sayda müəllim sertifikatlaşdırılma prosesinə cəlb edilib. 2023-cü ildə təşkil edilən sertifikatlaşdırılma prosesində 29 951 ibtidai sinif, Azərbaycan dili və ədəbiyyat müəllimi iştirak edib. 

Sertifikatlaşdırılmadan keçən müəllimlərin 5 246 nəfərinin maaşı 35 faiz, 17 914 müəllimin maaşı isə 10 faiz artırılıb. Ümumilikdə sertifikatlaşdırılma ilə əlaqədar 23 160 müəllimin maaşında əlavə artım baş verib. 

Vasif