"Ermənistan Zəngəzur dəhlizi ilə bağlı manipulyasiyalar etməyə davam edir".

Sfera.az xəbər verir ki, bunu politoloq Məhəmməd Əsədullazadə deyib.

“Ermənistan parlamentinin Xarici əlaqələr komissiyasının rəhbəri Sarkis Xandanyan Azərbaycanla Naxçıvan arasında maneəsiz giriş -çıxışa icazə verilməyəcəyini və bunun qırmızı xətt olduğunu qeyd edib. Ermənistan tərəfi sadələşdirilmiş gömrük tarifini təklif edərək  nəzarət mexanizmini həyata keçirmək istəyir. 

Məhəmməd Əsədullazadə bildirib ki, bu problemin sülh müqaviləsinin mətninə salınıb-salınmadığı aydın deyil:

“Əgər, Ermənistan tərəfi bu mövqeyindən geri çəkilməsə, sülhün əldə edilməsi uzanacaq. Ümumiyyətlə, Azərbaycan bu ölkənin suverenliyini qəbul edir. Azərbaycan əsasən, bu dəhliz vasitəsilə maneəsiz giriş-çıxışa maraqlıdır. Necəki, Rusiya ilə onun vilayəti olan Kalinqrad arasında Latviyadan keçən dəmiryol xətti maneəsiz giriş- çıxışa malikdir. Ermənistan rəhbərliyi isə bu təklifi qəbul etmək istəmir. Ermənistanın nəzarəti ilə giriş-çıxışın təmin olunması təhlükəsizlik müstəvisində risklidir”. 

Ülkər Abdurahmanlı