"ABŞ Azərbaycanın dini və tarixi abidələrinin dağıdılmasına hər zaman göz yumub" - Millət vəkili
"Ermənistanın işğalı dövründə Azərbaycanın 403 tarixi və dini abidəsi tamamilə dağıdılıb. İkili standartlara söykənərək Azərbaycanı izləmə siyahısına daxil edən ABŞ Beynəlxalq Dini Azadlıq Komissiyası ölkəmizin dini və tarixi abidələri dağıdılan zaman isə buna göz yumurdu".
Sfera.az xəbər verir ki, bunu deputat Vüqar Bayramov bildirib.
“Aydındır ki, bu qərəzli hesabatlarda məqsəd tamamilə fərqlidir. Amma Azərbaycan bu tip təhdidlərə hər zaman cavab vermək gücündədir və hansı hesabatlarda nələrin yazılmasından asılı olmayaraq, ölkəmizdə dini etiqad azadlığı hər zaman müdafiə olunur. Elə dünən pravoslavlar ən vacib xristian bayramlarından birini – Milad bayramını pravoslav kilsələrində təntənəli şəkildə qeyd etdilər. Bu hesabat “müəlliflər”inin görmək istəmədiyi çoxsaylı faktlardan sadəcə biridir”.
Ülkər Abdurahmanlı