Seçkiöncəsi CHP ilə İYİ partiya arasında GƏRGİNLİK: "PKK-lılarla əl sıxanların əlini buraxdıq"
İYİ partiya seçkilərə ittifaqa girmədən qoşulacaq.
Sfera.az xəbər verir ki, Türkiyədə seçkilər yaxınlaşdıqca bütün gözlər ittifaqa girmədən seçkilərə qatılmaq qərarını verən "İYİ" partiyasına çevrilib.
Yanvarın 13-14-də Antalyada yerli seçki gündəliyi ilə məsləhətləşmə düşərgəsi təşkil olunacaq.
İstanbul və Ankara namizədlərinin yanvar ayının sonuna kimi açıqlanması gözlənilir. Bundan başqa, partiyanın ali rəhbərliyi tərəfindən müəyyən edilən 20 rayon koordinatoru da işlərinə başlayacaq.
"İYİ" partiyası bu günədək 4 böyük şəhər bələdiyyəsinin namizədlərini ictimaiyyətə təqdim edib. Partiyanın sədri Meral Akşener Bursa namizədinin Səlcuq Türkoğlu olduğunu açıqlayıb.
O, ad çəkmədən keçmiş ittifaq ortağı CHP-yə ismarış göndərib: "Tərəflərdən biri "PKK-lılarla əl sıxanların əlini sıxırsan" deyirdi, biz bütün əlləri buraxdıq. Seçkilərə tək giririk".
Bundan əlavə, "İYİ" partiyasının millət vəkilləri, prezident məclisi və ümumi idarə heyəti üzvləri seçki bölgələrinə getməyə başlayacaqlar. Heyət üzvləri səfərlər zamanı əməkdaşlıq etmədən seçkilərə girmək qərarı verdiklərinin səbəblərini açıqlayacaqlar.
CHP ilə yolları ayırma səbəbləri də açıqlanacaq. Səfərlər zamanı biznes adamları və qeyri-hökumət təşkilatları ilə də görüşlər keçiriləcək.
Əzizə Zeynal
