2024-cü ildə Azərbaycan Dövlət Neft Fonudunun neft və qaz satışından daxil olan gəlirləri əvvəlki illə müqayisədə xeyli azalıb. 

Sfera.az Fondun açıqladığı məlumatlara istinadən xəbər verir ki, “Azəri-Çıraq-Günəşli” neft yatağından və “Şahdəniz” qaz-kondensat yatağından ümumilikdə 2022-ci ildə 11,332 milyard dollar (19,264 milyard manat) gəlir əldə edildiyi halda, 2023-cü ildə gəlirlərin məbləği 8,207 milyard dollara (13,952 milyard manat) geriləyib.

Müqayisə göstərir ki, ötən il gəlirlərdə 3,125 milyard dollar (5,312 milyard manat) və ya 27,6 faiz azalma baş verib. 

Azalma daha çox neft gəlirlərində müşahidə olunub. Neft gəlirləri 10,217 milyard dollardan 7,22 milyard dollara düşüb. “Qara qızıl”dan əldə edilən gəlirlər təxminən 3 milyard dollar azalıb. 

Qaz gəlirlərində isə 1,114 milyard dollardan 984 milyon dollara qədər azalma olub. 

Fondun gəlirlərində azalmanın baş verməsinə baxmayaraq, qurum aktivlərini xeyli artıra bilib. Çünki Fondun xərcləri nəzərdə tutulandan xeyli az olub. Buna görə də Fond ötən ili gəlirlərinin azalmasına baxmayaraq, yüksək yığımla başa vurub. 

Neft Fondunun 2023-cü ildə aktivlərinin vəziyyətinə dair məlumat yaxın günlərdə açıqlanacaq. 

Vasif