Aygün Bəylərlə vida mərasimi başa çatıb - YENİLƏNDİ + FOTOLAR

Azərbaycanın Əməkdar artisti Aygün Bəylərlə (Hümmətova) vida mərasimi başa çatıb.

Sfera.az xəbər verir ki, Bakının Əmircan qəsəbəsində yerləşən Səttar Bəhlulzadə adına Mədəniyyət Evində təşkil olunan vidaya mərhumun ailə üzvləri, Mədəniyyət Nazirliyinin rəsmiləri, sənət adamları qatılıblar.

***

11:15

Xəbər verdiyimiz kimi, Əməkdar artist Aygün Hümmətova (Bəylər) ötən gecə Türkiyədə müalicə olunduğu xəstəxanada vəfat edib.

Sfera.az xəbər verir ki, Əməkdar artist ilə vida mərasimi başlayıb. 

Səttar Bəhlulzadə adına Mədəniyyət evində keçirilən mərasimdə mərhumun ailə üzvləri, dostları və digər şəxslər iştirak edirlər.

A.Hümmətova saat 13:00-da Suraxanı kənd qəbiristanlığında torpağa tapşırılacaq.

Qeyd edək ki, A.Bəylər 1975-ci ildə Bakıda anadan olub. O, uzun müddətdir onkoloji xəstəlikdən müalicə olunurdu.

Firuzə Əliyeva

Fotolar: Anar Bayramlı