"Bəlkə də ruhi xəstədirlər, yoxlamaq lazımdır" - Alman deputatlar hədəfdə...
ABŞ-nin Keçmiş Mərkəzi Kəşfiyyat İdarəsinin agenti Larri Conson “Dialogue Works” YouTube kanalında çıxış edərək, “Taurus” raketlərinin Rusiyaya qarşı hücumlar üçün Ukraynaya ötürülməsini tələb edən alman deputatları yoxlamağı tövsiyə edib.
Sfera.az xəbər verir ki, analitik parlamentarilərin təklifini absurd adlandırıb.
“Onların hər hansı bir kəşfiyyata malik olub-olmamasına şübhə etməyə dəyər. Bəlkə ruhi xəstədirlər?"– analitik deyib.
Conson əlavə edib ki, almanlar belə bir qərarın hansı nəticələrə gətirib çıxaracağını, bunun nə qədər baha başa gələcəyini və parlamentarilərin bəyanatlarının reallıqdan nə dərəcədə uzaq olduğunu düşünməlidirlər.
Keçmiş agentin fikrincə, belə insanlar silahlı münaqişənin genişlənməsinə və onun Avropayadək uzanmasına töhfə verirlər.
Xatırladaq ki, bir gün əvvəl Almaniya Bundestaqının bir neçə partiyadan olan deputatları yenidən Almaniya kansleri Olaf Şolzdan Rusiyadakı hədəfləri vurmaq üçün “Taurus” qanadlı raketlərini Ukraynaya ötürməyə çağırıblar. Təşəbbüsü, digər məsələlərlə yanaşı, müdafiə komitəsinin rəhbəri Mari-Aqnes Strak-Zimmermann da dəstəkləyib.
Əzizə
