Qiymət aşağı düşür - Neftlə bağlı yeni QƏRAR

Səudiyyə Ərəbistanının dövlət şirkəti "Saudi Aramco" fevral ayında bütün bölgələrdə əsas yüngül ərəb neftinin qiymətlərini aşağı salacaq.
 

Sfera.az "Bloomberg"ə istinadən xəbər verir ki, bu qərar sözügedən yanacağa tələbatın azalması ilə əlaqədar qəbul edilib.
 

Beləliklə, Asiyaya tədarükün qiymətləri bir barel üçün 1,5-2 dollar azalır. Şimal-qərbi Avropa, Aralıq dənizi və Şimali Amerika üçün də qiymətlər endirilib.
 

Nəşr vurğulayıb ki, fevral və mart aylarında neftə tələbatın azalması hər il neft emalı zavodlarının texniki işlər məqsədi ilə müvəqqəti bağlanması, eləcə də ABŞ-dən yanacaq tədarükünün artması ilə bağlı tədarük profisiti fonunda baş verir.
 

Daha əvvəl bildirilmişdi ki, İran Çindən alıcılar üçün yüksək neft qiymətləri müəyyən edib və bu, iki ölkə arasında ticarətə maneə yaradıb. Çinin Şandun əyalətindən olan neft alıcısının sözlərinə görə, məhdud seçim və İranın sərtliyi qiymət danışıqlarını çətinləşdirib və çinli alıcıların xeyrinə deyil.

Əzizə