Avropa İttifaqının yeni rəhbəri kim olacaq?
Avropa İttifaqı (Aİ) Şurasının Prezidenti Şarl Mişelin bu vəzifədən gedişindən sonra onu Macarıstanın Baş naziri Viktor Orban əvəzləyə bilər.
Sfera.az xəbər verir ki, bu barədə “Politico” nəşri yazıb.
Mişel Avropa Parlamentinə seçkilərdə iştirak etmək üçün vəzifəsini tərk edəcək. O, parlamentə seçilərsə, Aİ liderləri Şura rəhbərliyinə yeni namizəd tapmalıdırlar. Əgər 2024-cü ilin iyuluna qədər bunu edə bilməsələr, prezident vəzifəsini Viktor Orban icra edəcək. Çünki bu ilin iyulunda Aİ Şurasına sədrlik Macarıstana keçəcək.
İttifaq dövlətlərinin rəhbərləri Ukrayna ilə bağlı tutduğu mövqeyinə görə, Orbanın Aİ rəhbərliyinə gəlməsini istəmirlər.
Yanvarın 7-də Mişelin Avropa Parlamentinə seçkilərdə iştirak edəcəyi və vəzifəsini vaxtından əvvəl tərk edəcəyi məlum olub. O qeyd edib ki, Avropa İttifaqı Şurasının Prezidenti vəzifəsi Avropa Parlamenti üzvünün işi ilə birləşdirilə bilməz. Ona görə də, o, iyulun 16-da yeni çağırış deputatlarının andiçmə mərasiminə qədər istefa verəcək.
Vasif
