"Zorakılıq izləri..." - Xruşşovun nəvəsinin ölüm səbəbi BƏLLİ OLDU  

Sovet İttifaqı Kommunist Partiyası Mərkəzi Komitəsinin baş katibi Nikita Xruşşovun Moskvada cəsədi tapılan nəvəsinin ölüm səbəbi məlum olub. 

Sfera.az "İzvestiya" qəzetinə istinadən xəbər verir ki, Aleksey Adjubeyin ölüm səbəbi ürəyində yaranan problemlə əlaqəli ola bilər. 

"Kəskin ürək-damar çatışmazlığı qeydə alınıb", - mənbə ölümün ilkin səbəbini açıqlayıb.

Nəşrin həmsöhbəti onu da dəqiqləşdirib ki, Adjubey, yəqin ki, öz mənzilində yıxılıb. Xruşşovun nəvəsinin başında hematoma aşkarlanıb. Lakin zorakılıq izlərinə rast gəlinməyib.

Bundan əvvəl 69 yaşlı Adjubeyin sistemli qırmızı qızartı xəstəliyindən əziyyət çəkdiyi bildirilirdi. Bu birləşdirici toxuma və qan damarlarının sağalmaz xroniki otoimmun xəstəliyidir.

Xatırladaq ki, Xruşşovun nəvəsinin meyiti yanvarın 6-da Tverskaya küçəsindəki mənzildə tapılıb. O, ölümündən az əvvəl dostuna zəng edərək özünü pis hiss etdiyini deyib. Hadisə yerinə gələn həkimlər otağa daxil ola bilməyiblər və qapı açılanda Adjubeyin cəsədini aşkarlayıblar. Ölümün səbəbi hələlik rəsmi olaraq açıqlanmayıb.

Əzizə Zeynal