Neft Fondunun valyuta satışları kəskin azalıb – SƏBƏB
Azərbaycan Dövlət Neft Fondu 2023-cü ilin dekabr ayı ərzində 149,9 milyon ABŞ dolları məbləğində vəsait satdığını açıqlayıb.
Sfera.az Fondun əvvəlki aylarla bağlı açıqladığı məlumatları da nəzərə alaraq xəbər verir ki, ötən il Neft Fondu ümumilikdə 2,689 milyard dollar dəyərində xarici valyuta satıb.
Neft Fondunun 2023-cü ilə dair təsdiqlənən büdcəsində 6,635 milyard dollar vəsaitin dövlət büdcəsinə köçürülməsi nəzərdə tutulurdu. Faktiki icra edilən məbləğ nəzərdə tutulan maksimum məbləğdən 3,946 milyard dollar, yəni 2,47 dəfə azdır.
Neft Fondunun valyuta satışlarının kəskin azalması Azərbaycanda dollar bolluğunun yaranması və dövlət büdcəsinin vergi gəlirlərinin artması ilə bağlıdır. Dövlət büdcəsinə vergilər və gömrük rüsumu hesabına daha çox vəsait daxil olduğundan Neft Fondundan transfertlərə ehtiyac xeyli azalıb.
Vasif
