Məşhur müğənni səhnə qonorarını 4 dəfə artırdı

Müğənni Katya Lelin qonorarı 4 dəfə artıb.

Sfera.az xəbər verir ki, bu barədə kp.ru Rusiyanın ən böyük tədbir təşkilatçılarına istinadən məlumat yayıb.

Şəxsi konsert üçün Lelin orta qonorarı 900 min rubldan (təxminən 17 min manat) dörd milyona (təxminən 74 min manat) yüksəlib. Nəşr qeyd edib ki, bayramlardan sonra qiymət ensə də, üç milyonu keçməyəcək. Sənətçinin çıxışları üçün qiymətlər müraciətlərin sayına görə müəyyən ediləcək.

Nəşrin fikrincə, qonorarların belə artması Lel-in “My Marmelade” hitinin sosial mediada populyarlığının artması ilə bağlı ola bilər.

Xatırladaq ki, Lelin 2004-cü ildə ifa etdiyi "My Marmalade" mahnısı TikTok sayəsində bu payız trend olub. Sənətçi mahnının populyarlığını “Rusiyanın qələbəsi” adlandırıb. İfaçının sözlərinə görə, bəstənin TikTok-dakı uğuru xarici tərəfdaşların diqqətini ona çəkib.