Putin bu il hansı ölkələrə səfər edəcək?

Rusiya prezidenti Vladimir Putin 2024-cü ildə bir neçə ölkəyə səfər edə bilər.

Sfera.az bildirir ki, bu barədə TASS xəbər agentliyi məlumat yayıb.

Qeyd olunub ki, dövlət başçısı onlarla ölkəyə dəvət edilib. “Kreml Putinin hara səfər edəcəyini hələ açıqlamayıb. Əvvəlki aylarda Putin Braziliya, Burundi, Vyetnam, İraq, İran, Şimali Koreya, Kuba, Monqolustan, Tayland, Türkiyə və digər ölkələrə səfər etmək üçün dəvət alıb. Rusiya Federasiyasının prezidentinin ənənəvi olaraq postsovet məkanı dövlətlərində, o cümlədən Belarusiyada, Tacikistanda və Özbəkistanda olması gözlənilir. Putin bütün çətinliklərə baxmayaraq Ermənistana səfər edə biləcəyini etiraf edib”, deyə TASS vurğulayıb.

Agentlik həmçinin bildirib ki, Putinin mümkün xarici səfərlərinin coğrafiyası sadalanan ölkələrlə məhdudlaşmır: “Çünki zərurət yaranarsa, istənilən səfər dərhal razılaşdırıla bilər”.

Günay

Sfera.az