İran prezidenti İbrahim Rəisi türkiyəli həmkarının dəvəti ilə yanvarın 4-də Ankaraya səfər edəcək.

Sfera.az bildirir ki, bu barədə İslam Respublikası Xəbər Agentliyi (İRNA) məlumat yayıb.

Qeyd olunub ki, Rəisi Rəcəb Tayyib Ərdoğanla ayrıca görüş keçirəcək. “Ardınca iki prezidentin sədrliyi ilə İran-Türkiyə Yüksək Əməkdaşlıq Şurasının səkkizinci iclası keçiriləcək. Görüşdən sonra prezidentlərin birgə mətbuat konfransı keçirəcəyi də planlaşdırılır”, deyə məlumatda bildirilib.

Qeyd edək ki, İran liderinin səfəri 2023-cü ilin noyabrında baş tutmalı idi, lakin təxirə salındı. Bu isə Ankara və Tehranın siyasətlərində iddia edilən fikir ayrılıqları ilə bağlı mediada müxtəlif versiyaların yaranmasına səbəb oldu.

Günay

Sfera.az