59 yaşlı amerikalı aktyor Yan Ziering Yeni il gecəsi Los-Ancelesdə baykerlər dəstəsi ilə dava edib. Müvafiq videogörüntülər sosial şəbəkələrdə yayılıb.

Sfera.az bildirir ki, 90-cı illərin sonlarında məşhur olan "Beverly Hills, 90210" serialının ulduzunun dava anları hadisə şahidi tərəfindən lentə alınan kadrlarda əks olunub.

Aktyorun hələ avtomobildə ikən, Hollivud bulvarı ilə hərəkət edən bir qrup motosikletçi ilə dava etdiyi görünür. Ziering ilk yumruğu maşınının qarşısındakı baykerlərdən birinə atır. Sonra onu yerə itələyir. Bir neçə saniyədən sonra digər baykerlər gəlib onu mühasirəyə alırlar. Onlardan dördü aktyoru bir neçə saniyə döyüb.

Aktyor hərəkətli küçədən keçərək qaçmağa çalışır. Baykerlərdən ikisi onu təqib edib, biri isə aktyorun köynəyindən tutub geri çəkib. Hücum edənlərdən biri ulduzu park edilmiş qırmızı avtomobilə doğru itələyir, lakin Ziering müqavimət göstərməyə və onu təpikləməyə davam edir. İkincisi daha sonra yerə yıxılır, Zieringi də yolun qarşısına yıxmağa çalışır. Sonda çataraq, ona başından zərbə endirir.

Başqa bir qadın bayker də onlara qoşulur və Zieringi daha sərt vurmağa çalışır. Sonda Ziering xilas olaraq, Hollivud Şöhrət Xiyabanında qaçmağı bacarır. Baykerlərdən biri yavaş-yavaş onu bir müddət daha təqib edir, digərləri isə hər şeyi izləyir.

Mübahisənin tam olaraq nədən qaynaqlandığı bəlli deyil. Hadisə aktyorun qızının gözləri qarşısında baş verib. Hadisədən sonra atası ona təsəlli vermək üçün yaxınlaşıb. Aktyor hələ ki, dava ilə bağlı açıqlama verməyib, lakin polis hesabatında o, zərərçəkən tərəf kimi qeyd olunub.

Aynil