Liberal Demokrat Partiyasının vəfat etmiş lideri Vladimir Jirinovski ABŞ-nin mövcudluğuna 2024-cü ildə son qoyulacağı proqnozunu verib.

Sfera.az xəbər verir ki, bu barədə “Qorodçe” məlumat yayıb .

Nəşr siyasi xadimdən sitat gətirib:

"2024-cü ildə ABŞ-də seçkilər olmayacaq, çünki Amerikanın özü olmayacaq".

Eyni zamanda, Jirinovskinin fikrincə, ABŞ-nin dağılmasının səbəbi ölkə daxilində millətlərarası münaqişələr olacaq. 

Bundan əlavə, nəşr Jirinovskinin sağlığında verdiyi və artıq reallaşan proqnozlarını xatırladıb. Xüsusilə, 2019-cu ildə Liberal Demokrat Partiyasının keçmiş lideri Yaxın Şərqdə münaqişə olacağını proqnozlaşdırıb. 

“Hər kəs Ukraynanın nə olduğunu unudacaq, çünki ən dəhşətli hadisələr burada baş verəcək”, - siyasətçi bildirib.

Bundan əvvəl, LDPR-in keçmiş liderinin 2012-ci ildə Yaxın Şərqdə böhran proqnozlaşdırdığı çıxışının videosu yayımlanmışdı. Jirinovskinin fikrincə, bu, İsrail və İran arasında müharibəyə çevriləcək. O həmçinin qeyd edib ki, rəsmi Yerusəlim İran silahlarından və ərəb ölkələrinin artan gənc əhalisindən qorxur. Bununla bağlı siyasətçinin fikirlərinə görə, hələ 2010-cu ildə Tehranla münasibətlərdəki problemlərin güc yolu ilə həllinə dair qərar qəbul edilib. O, eyni zamanda İranın İsrailə hücumunu qaçılmaz adlandırıb.

İnternetdə Jirinovskinin İsrailin Fələstinə nüvə zərbəsi endirməsi ilə bağlı daha bir proqnozu tapılıb. Görüntülərdə siyasətçi bildirir ki, guya, yəhudi dünyası Yaxın Şərqdə yeni münaqişə raundunun alovlanmasından faydalanır.

Əzizə Zeynal