Böyük Britaniyada “Gerrit” tornadosu nəticəsində on minlərlə ev və müxtəlif infrastruktura ziyan dəyib. Yüzlərlə sakin təxliyə edilməli olub.
 

Sfera.az xəbər verir ki, xəsarət alanlar barədə məlumat verilməsə də, xeyli sayda sakin Stalybridgedəki evlərini tərk etmək məcburiyyətində qalıb.

Fırtınanın ötən gecə Stalybridge şəhərinin Karbruk və Millbrook ərazilərində baş verdiyi bildirilir. Qeyd edildiyi kimi, tornado Mançesterin yaşayış massivlərindən birində xeyli maddi ziyana səbəb olub.

Müvafiq xidmətlər dağıntıları təmizləyir, aşan ağacları çıxarır. Tornado və Fırtına Araşdırma Təşkilatı zərərin təsdiqlənməsi üçün ərazinin ətraflı tədqiqinə ehtiyac olduğunu bildirib.

Mançester bölgəsində də tornado nəticəsində bir çox evə ziyan dəyib. Yerli KİV-in məlumatına görə, Gerrit fırtınası 27 dekabr Çərşənbə günü axşam saatlarında Millbrook, Carrbrook və şəhər mərkəzinə yaxın ərazilərdən keçib və ardınca ciddi ziyan vurub.

Mütəxəssislər tez bir zamanda hadisənin baş verdiyi bir neçə yerə gəliblər.

Millbrookda bir neçə iri ağac yollara və avtomobillərin üzərinə aşıb.

Ümumilikdə, fırtına başlayandan bəri 40.000 obyektə elektrik enerjisi bərpa edilib. Şotlandiya və Cənub Elektrik Şəbəkələrinin (SSEN) məlumatına görə, dekabrın 28-dən bu axşam saat 20.45-ə olan məlumata görə, 46 000-dən çox abunəçiyə enerji təchizatı bərpa edilib.

Aysel

Sfera.az