"Xəyanət ani olubsa, bağışlamaq olar"

"Biri var göz nəfsi, ehtirası və biri də var əməl ehtirası. Bilmirəm, amma əslində, bağışlayan insanam. Bağışlamağımın da çərçivəsi var. Niyə, nə üçün və hansı səbəbdən xəyanətin olduğunu bilməliyəm ki, onu da bağışlaya bilim. Yox, əgər bu xəyanət özbaşınalıqdırsa, onu bağışlamaram".

Sfera.az xəbər verir ki, bu sözləri aparıcı Afaq Gəncəli "Qapqara" yutub layihəsində deyib. O, təkrarlanan xəyanəti isə bağışlamadığını bildirib:

"Əgər xəyanət bilmədən, ani olubsa, belə alınıbsa, bağışlamaq olar. Elə şeylər var ki, ona göz yumuram. Çünki hər şeyə düzgün yanaşsan olmur axı... Hərdən bir gözü bağlamaq lazımdır. Sabah yenidən o ani xəyanət təkrar olunarsa, o zaman qılıncı əlimə götürərəm. Özümü düşünərək onu bağışlayıram.

Xəyanəti heç sevmirən. Bir insanın xisləti xəyanətlə yoğrulubsa, ona nə etsən də xeyri olmayacaq. Söhbət təkcə kişi və qadın xəyanətindən getmir. Bu qardaşa, bacıya, vətənə, rəfiqəyə, işinə qarşı da ola bilər.

Bu yaxınlarda bir xəyanətlə rastlaşdım. Kişi deyil... Bir dəfə xəbərdarlıq etdim ki, fərqindəyəm. Yanımda olan insanı qoruyuram, fədakaram. Sevmirəm bu xasiyyətimi. Başa salıram ki, belə etmə mənə qarşı. İkinci dəfə artıq olanda dedim ki, öpürəm səni, qapını bağladım".