Məhkəmə qərarı olmadan da boşanmaq mümkündür – Vəkil proseduru AÇIQLADI

“Bəzi hallarda məhkəmə olmadan da boşanmaq mümkündür”.

Sfera.az bildirir ki, bunu vəkil Vamiq Şükürov deyib. Onun sözlərinə görə, insanlar əksər hallarda məhkəmə qaydasında boşanırlar:

“Ər-arvadın ümumi uşaqları olmadıqda və ya uşaqları 18 yaşına çatdıqda onlar Ədliyyə Nazirliyinin Qeydiyyat şöbələrinə ərizə verib boşana bilərlər. Ər-arvadın və ya onlardan birinin yaşadığı və ya nikahın qeydiyyata alındığı yer üzrə qeydiyyat şöbələrinə müraciət edilir. Lakin məhkəmədən kənar boşanmaq üçün hər iki şəxsin razılığı olmalıdır”.

Vəkil bildirib ki,  belə bir razılıq olduqda ərizə verildiyi gündən 1 ay keçdikdən sonra nikah pozulur: “Əgər tərəflərdən biri ərizə verdikdən sonra nikahın pozulmasından imtina edirsə, bu zaman proses məhkəmə qaydasında həyata keçirilir”.

Türkan