Trampa daha bir ŞOK: “Namizədliyi irəli sürülə bilməz!”
Daha bir ştat Trampın seçkilərdə iştirakına qadağa qoyub.
Sfera.az bildirir ki, Koloradodan sonra indi də Men ştatının seçki şurasının rəhbəri Donald Trampın ştatda namizədliyini irəli sürməsinin mümkün olmadığını açıqlayıb.
Şenna Bellous qərarını ABŞ Konstitusiyasının 14-cü maddəsi ilə əsaslandırıb. O, ölkə konstitutsiyasının qiyam barədə maddəsini nəzərə alaraq, Trampın uyğun namizəd olmadığını iddia edib.
“Tramp 6 yanvar 2021-ci ildə Konqresə basqın ərəfəsində tərəfdarlarını yalan iddialarla qızışdırıb. Əvvəllər heç bir prezidentliyə namizədin üsyanla əlaqəsi olmayıb”, deyə Bellous bildirib.
Trampın kampaniya komandası isə məsələyə çevik reaksiya verib. Kampaniya sözçüsü Steven Çeunq Şenna Bellousu “Baydenin tərəfdarı” adlandırıb. O, Men əyalət məhkəməsinə müraciət edəcəklərini bildirib.
Qeyd edək ki, bundan əvvəl ABŞ-nin Kolorado ştatının Ali Məhkəməsi ölkə konstitutsiyasının qiyam barədə maddəsini nəzərə alaraq sabiq prezident Donald Trampın ştat ərazisində keçiriləcək seçkilərdə iştirakına qadağa qoymuşdu.
Xatırladaq ki, ABŞ-də prezident seçkiləri 2024-cü il noyabrın 5-də keçiriləcək. Son sorğulara əsasən, Tramp prezident Co Baydeni qabaqlayır.
Günay
