Rusiya Tobolsk Şəhər Dumasının deputatı, hakim "Vahid Rusiya" partiyasının üzvü Vladimir Eqorov ötən gün ölü tapılıb.
 

Sfera.az bildirir ki, cəsəd üzərində heç bir zorakılıq əlamətlərinə rast gəlinməyib. Ən çox ehtimal olunan səbəblərdən biri ürək problemləridir.
Tümen vilayətinin İstintaq Komitəsi Eqorovun üçüncü mərtəbədəki mənzilinin pəncərəsindən yıxıldığını bildirib. Cinayət izlərinə rast gəlinməyib. Ən dəqiq məlumat ekspertizanın yekun qərarından sonra məlum olacaq.
 

Vladimir Eqorov kimdir?

Vladimir Eqorovun 46 yaşı var idi. 2007-ci ildə Tobolsk administrasiyasında işləməyə başlayıb. 2014-cü ilə kimi Torpaq münasibətləri və meşə təsərrüfatı komitəsinin sədri vəzifəsində çalışıb.

2016-cı ildə Eqorov bələdiyyə torpaqlarını icarəyə götürmək üçün iş adamlarından icarə haqqı almadığına görə islah işləri cəzasına məhkum edilsə də, ona qarşı ittihamlar geri götürülüb.
 

2014-cü ildən Eqorov Vinokurovo istirahət mərkəzinə rəhbərlik edir. Daha sonra o, Tobolsk Şəhər Dumasının sədr müavini seçilib.
 

2022-ci ildə parlamentari 9,1 milyon rubl gəlirlə şəhərin ən zəngin deputatlarından birinə çevrilib.

Qeyd edək ki, 2022-ci ilin fevralından bəri bir neçə məşhur rusiyalı pəncərədən yıxılaraq ölüb. Onların arasında Rusiyanın ikinci ən böyük neft istehsalçısı olan “Lukoyl”un sədri Ravil Maqanov, kolbasa maqnatı, “Vahid Rusiya” deputatı Pavel Antov, Rusiya Müdafiə Nazirliyinin nümayəndəsi Marina Yankina var.
 

Aysel

Sfera.az