“Gələn il manatın məzənnəsi neftin qiymətindən asılı olacaq”.

Sfera.az bildirir ki, bunu iqtisadçı, deputat Vüqar Bayramov deyib.

O vurğulayıb ki, Mərkəzi Bank 2024-cü ildə də nominal effektiv məzənnənin dinamikasını sıx monitorinq edəcək:

“Gələn ildə də neft gəlirlərimiz manatın məzənnəsinə təsir edən əsas faktor olacaq. Digər tərəfdən, Mərkəzi Bank məzənnə siyasəti üzrə əməliyyat hədəflərinə nail olmaq üçün valyuta bazarına zəruri hallarda müdaxilə edəcəyini bildirib. Bu isə ondan xəbər verir ki, enerji bazarında ciddi volatillik baş verəcəyi halda, valyuta ehtiyatlarımızdan istifadə edə bilər”.

Millət vəkili əlavə edib ki,  gələn il manatın məzənnəsi həm də birbaşa Mərkəzi Bankın mövqeyindən asılı olacaq.

Türkan