Rusiya Federasiyası Təhlükəsizlik Şurasının sədr müavini Dmitri Medvedev Rusiyanın 2024-cü il üçün Ukrayna savaşı ilə bağlı məqsədlərini açıqlayıb.

Sfera.az bildirir ki, o, bu barədə sosial şəbəkə hesabında paylaşım edib. O bildirib ki, növbəti il də müharibə davam edəcək:

“Moskvanın əsas məqsədi Ukrayna qoşunlarının tərksilahı olaraq qalacaq. Bu, bizim üçün ən mühüm və qaçılmaz vəzifədir. Digəri hakim Bandera rejiminin devrilməsidir. Üçüncü məqsədimiz isə Ukraynanın neonasist ideologiyasından imtina etməsidir”.

Medvedev həmçinin, Dnepropetrovsk, Nikolaev, Kiyev, Odessa və Xarkov kimi əraziləri də “rus şəhərləri” adlandırıb.

Xatırladaq ki, 2023-cü ildə Rusiyanın müharibədə əsas məqsədi Ukrayna ordusunun əks-hücumlarını dəf etmək olub.

Qeyd edək ki, Stepan Bandera Ukrayna millətçiliyinin əsas ideoloqu və nəzəriyyəçisidir. Uzun illər onun adı ukraynalılar üçün azadlıq simvoluna çevrilib.

Günay