İngiltərənin Staffordşir əyalətindən olan 33 yaşlı Danielle Lewis nadir genetik xəstəlik olan - kleidokranial displaziya ilə doğulub. Bu genetik vəziyyət onurğa, kəllə, körpücük sümükləri, ayaqlar və dişlərə təsir edə bilər.


Sfera.az bildirir ki, Danielle körpücük sümüyü olmadan doğulub. O, sosial şəbəkədə çiyinlərinin bir-birinə toxuna bildiyi bir video yayımlayıb.


Daniella deyir: "Dünyada bu genə sahib cəmi 17 ailə var və biz ildə bir dəfə görüşürük. Çiyinlərimi bədənimin qarşısında birləşdirə bilmək, şübhəsiz ki, mənim ən əyləncəli hiyləmdir. Hələ uşaq ikən bunu edə biləcəyimi başa düşdüm."


“Dostum böyrümdə uzanmışdı və çiyinlərim bir-birinə toxunurdu. Dostum bunu mənə göstərdi, inana bilmirdi. Mən isə təəccüblənmişdim. Bunu hər kəsin edə biləcəyi bir şey olduğunu düşünürdüm”.


Daniellenin bu genetik vəziyyəti üç övladına da keçib: 13 yaşlı Rubi Angel, 12 yaşlı Lili Qreys və altı yaşlı Maks Tomasın da çiyinlərini bir-birinə toxundura bilir.


"Mən bu geni övladlarıma ötürməməyi ümid edirdim, çünki uşaq olanda bəzən təhqir olunurdum, zorbalığa məruz qalırdım.


11 yaşımda bütün süd dişlərim düşmüşdü, digərlərinin çıxması üçün əməliyyat olunmalı oldum. Nəticədə dişlərimin hamısı əyri çıxmışdı.


İllər keçdikcə insanların mənim haqqımda nə düşündüyünə əhəmiyyət verməməyə başladım.


Mən qızlarımın azad və xoşbəxt həyat sürmələrini və mənim uşaqlıqda hiss etdiklərimi yaşamamalarını istəyirəm”.

Aynil

Sfera.az