Türkiyə prezidenti Rəcəb Tayyib Ərdoğan məhkəmədə Cümhuriyyət Xalq Partiyasının keçmiş sədri Kemal Kılıçdaroğluna qalib gəlib.

Sfera.az bildirir ki, bu barədə Ərdoğanın vəkili Hüseyn Aydın “X” sosial şəbəkəsində məlumat verib.  O qeyd edib ki, məhkəmə Kılıçdaroğlunun Ərdoğana 65 min lirə həcmində təzminat ödəməsi ilə bağlı qərar çıxarıb.

“Prezidentimiz adından Kemal Kılıçdaroğluna qarşı açılan mənəvi zərərin ödənilməsi iddiası ilə bağlı yekun qərar verilib. Məhkəmə qərarı ilə alınan 65 min türk lirəsi prezidentin razılığı ilə Qəzza zolağında kimsəsiz uşaqların ehtiyacları ödəmək üçün istifadə ediləcək. Vəsait Türkiyə Qızıl Aypara Cəmiyyətinə göndərilib”, - deyə H.Aydın bildirib.

Qeyd edək ki, Ərdoğan Kılıçdaroğlunu 2021-ci ilin yanvarında parlamentdə səsləndirdiyi təhqiramiz ifadələrə görə məhkəməyə verib. Bundan əvvəl də Türkiyə prezidenti dəfələrlə onu məhkəməyə verib və qalib gələrək əldə olunan gəliri xeyriyyə işlərinə yönləndirib.

Günay