Mənzillərdə divarların səs keçirməsi müəyyən narazılıqlar yaradır. Bir-birinin səsini eşidən qonşular bundan narahat olur, şikayət edirlər. Xüsusilə də tikinti işləri zamanı bu cür problemlər özünü daha qabarıq şəkildə biruzə verir.

Bəs, qanunda bununla bağlı hansısa tənzimləyici prosedur nəzərdə tutulubmu?

Sfera.az xəbər verir ki, mövzu ilə bağlı fikirlərini bölüşən vəkil Vamiq Şükürov deyib ki,  “Tikinti və Şəhərsalma” Məcəlləsinə əsasən, səs-küy və vibrasiya təsirlərinin insan sağlamlığına təhlükə törətməyən həddi keçməməsi təmin edilməlidir:

“Buna görə sakin nə edə bilər? Qanunla səs izolyasiyası pozulduqda inzibati məsuliyyət nəzərdə tutulub. Belə ki, İnzibati Xətalar Məcəlləsinin 394.0.5-ci maddəsinə əsasən,  mühəndis-axtarış və tikinti-quraşdırma işlərinin yerinə yetirilməsi zamanı tikinti norma və qaydalarını pozmağa görə fiziki şəxslər üç yüz manatdan beş yüz manatadək məbləğdə, vəzifəli şəxslər min beş yüz manatdan iki min beş yüz manatadək məbləğdə, hüquqi şəxslər on beş min manatdan iyirmi beş min manatadək məbləğdə cərimə edilir”.

Vəkil qeyd edib ki, səs izolyasiyasının təmin edilməsi üçün bina sakini məhkəməyə də müraciət edə bilər.

Günay