“Qərb Ukraynanın şərqini Rusiyaya güzəştə gedə bilər”.

Bunu Sfera.az-a açıqlamasında politoloq Məhəmməd Əsədullazadə deyib.

Onun sözlərinə görə, ABŞ-nin Ukraynaya hərbi yardımları azaltması Rusiyanın təşəbbüsü alması ilə nəticələnir:

“ABŞ vəd olunan silahları Kiyevə göndərmir. Avropa İttifaqı da 50 milyard dollar vəsaiti Ukraynaya ayıra bilmir. Bu da Kremli cəsarətləndirir. Görünür,  ABŞ başda olmaqla Qərb koalisiyası Rusiyanın Ukraynanın şərqini işğal etməsinə “yaşıl işıq” yandırıb.  Ukrayna isə müdafiə xətti çəkib yeni “sərhəd”lə barışmalı ola bilər”.

Ekspert bildirib ki, Qərbin Rusiya ilə danışıqlara getməsi və atəşkəs əldə etməsi mümkündür:

“Bununla da Ukraynanı NATO-ya daxil edə bilərlər. Qərb üçün Ukraynanın şərqinin işğalı əhəmiyyət kəsb etmir. 2024-cü ildə Rusiyanın intensiv hücum əməliyyatlarına başlaması gözlənilir”.

Günay