“Ermənistanla sülh razılaşmasında bu ölkələrin imzası ola bilər” - AÇIQLAMA
“Ermənistanla Azərbaycan arasında yeni müharibənin başlaması ehtimalı aşağıdır”.
Bunu Sfera.az-a açıqlamasında politoloq Məhəmməd Əsədullazadə deyib. O, səbəbləri bu cür izah edib:
“Ermənistan hakimiyyəti ölkəmizin ərazi bütövlüyünü Vaşinqtonun təlimatı ilə tanıyıb. İrəvan məsələdə təkbaşına qərar verəcək siyasi iradəyə malik deyil. Digər tərəfdən, ABŞ administrasiyası Azərbaycana qarşı sanksiya siyasətindən geri çəkilib. ABŞ dövlət katibi Entoni Blinken praqmatik siyasətçidir və Azərbaycanla əməkdaşlığa yüksək səviyyədə dəyər verir. Bu gün rəsmi Bakının təklifi əsasında Ermənistan və Azərbaycan arasında ikitərəfli danışıqların başlamasında onun rolu var”.
Müsahibimiz bildirib ki, gələn ay Vaşinqtonda xarici işlər nazirlərin görüşü baş tutarsa, sülh müqaviləsinin mətni ilə bağlı həll edilməyən müddəalar müzakirə ediləcək:
“Sülh müqaviləsi bağlanarsa, Ermənistan tərəfindən ABŞ, Azərbaycan tərəfindən isə Türkiyənin razılaşmada imzası ola bilər. İrəvan Vaşinqtonun sülh müqaviləsində qarant ölkə olmasında maraqlıdır”.
Günay
