Qırmızı dənizdə gərginlik artır – ABŞ regiona yeni hərbi qüvvələr cəlb edə bilər

Son zamanlar Qırmızı dənizdə ticarət gəmilərinə hücumların artması ilə əlaqədar olaraq ABŞ Müdafiə Nazirliyi (Pentaqon) ortaq əməliyyat qrupu yaradacağına dair açıqlama verib.

Sfera.az xəbər verir ki, Pentaqondan verilən açıqlamada Yəməndən gələn husi qruplarının ticarət gəmilərinə, dənizçilərə ciddi təhlükə yaratdığı və bununla da beynəlxalq hüququ pozduğu bildirilib.

Pentaqon Qırmızı dənizdə hərəkətin sərbəst olduğunu və buna görə də gəmilərin hərəkətinə müdaxilənin beynəlxalq hüququn pozulması anlamına gəldiyini xatırladıb : “Qırmızı dəniz naviqasiya azadlığı üçün vacib su yoludur. Bu, kommersiya dəhlizidir. Naviqasiya azadlığı prinsipini qorumaq istəyən ölkələr ballistik raketlər və pilotsuz uçuş aparatları buraxan bu qeyri-dövlət aktorunun (husilər – red.) hücumlarını qətiyyətlə almalıdır”.

Artıq Böyük Britaniya, Bəhreyn, Kanada, Fransa, İtaliya, Hollandiya, Norveç, İspaniya, Seyşel adaları ortaq hərəkət etmək və gəmilərin təhlükəsiz hərəkəti ilə bağlı mühafizəni gücləndirmək haqqında razılığa gəliblər.

Qeyd edək ki, gəmilər Süveyş kanalından keçməklə Qırmızı dənizə daxil olur, buradan isə Hind okeanına keçirlər.

Vasif