Bu malların ixracında yeni rekord qeydə alınıb

Azərbaycanın ixrac etdiyi qeyri neft-qaz mallarının dəyəri bu ilin 11 ayında 3 milyard dolları ötüb.

Sfera.az xəbər verir ki, bu dövr ərzində ixrac edilən qeyri neft-qaz mallarının dəyəri 3,033 milyard dollar təşkil edib. Builki artım dinamikası göstərir ki, ilin yekununda sözügedən malların ixrac dəyəri 3,3 milyard dollar səviyyəsində olacaq.

Ötən il Azərbaycanın qeyri neft-qaz mallarının ixracında rekord göstərici qeydə alınmışdı. 2022-ci ilin 11 ayı ərzində ixracın dəyəri 2,69 milyard dollar olmuşdu. Müqayisə göstərir ki, bu il ixracda rekord göstərici yenilənəcək.

Rekordun yenilənməsi ilə yanaşı qeyri neft-qaz mallarının ümumi ixracdakı payı da artıb. Ötən il ümumi ixracın 7,4 faizi qeyri neft-qaz mallarından ibarət olduğu halda, bu il nisbət 9,63 faizə yüksəlib.

Vasif