5 il komada qalan qadın anasının lətifəsinə oyandı - FOTOLAR

ABŞ-ın Niles şəhərindən olan Cennifer Flewellen anasının danışdığı lətifə sayəsində beş illik komadan ayılıb. Dəhşətli avtomobil qəzasında ağır yaralanan qadını anası 60 yaşlı Peggy Means güldürüb.
 

Sfera.az bildirir ki, bu inanılmaz hadisənin təfərrüatları dünya mediasının manşetinə çevrilib.

Komadan ayılandan sonra Cennifer danışa bilməsə də, başını tərpədib. Əvvəlcə bununla o, yalnız “bəli" və ya "yox" sualına cavab verib, indi isə bir neçə söz istifadə edə bilir.
 

Reabilitasiya mərkəzindəki həkimi bu hadisənin çox, nadir baş verdiyini deyir. Onun sözlərinə görə belə vəziyyətdəki xəstələrin yalnız 1-3%-i bu nəticəyə nail olur. Ceniffer isə nəinki oyanıb, həm də ümumi vəziyyətində irəliləyiş var.


Flewellen komada keçirdiyi bütün müddət ərzində anası demək olar ki, hər gün xəstəxanaya gəlib, ona qulluq edib. Qadın bir gün qızının mütləq oyanacağına inanıb. Nəhayət bu baş verəndə o, həmin anı videoya çəkərək bütün qohumlarına və dostlarına göndərib.
 

Bu oktyabr ayında Cennifer və kiçik oğlu hətta futbol matçına da gələ biliblər. Cennifer hələ də böyük oğlunun artıq 21 yaşı olduğuna inana bilmir.


Cenniferin ailəsi onun tezliklə gəzəcəyinə və oğulları ilə daha çox vaxt keçirəcəyinə inanır.

Xanım

Sfera.az