Xaricdən gətirilən ucuz ətlərlə bağlı AÇIQLAMA

Dövlət Statistika Komitəsinin verdiyi məlumata əsasən bu il yanvar- oktyabr aylarında Azərbaycan  xaricdən ət idxalını 93,3 faiz artırıb. İdxal faizinin artım səbəbi xaricdən gətirilən ucuz ət məhsullarıdır.

Bəs, ucuz ətdən ən çox hansı sahələrdə istifadə olunur? Bu ətin fəsadları varmı?

Mövzu ilə bağlı Sfera.az-a danışan Qida Təhlükəsizliyi Hərəkatının rəhbəri Məhsəti Hüseynova bildirib ki, ölkəyə idxal olunan ucuz ətlər əsasən kolbasa, sosiska kimi ət məhsullarının hazrlanmasında, eyni zamanda  bir çox ictimai iaşə obyektlərində istifadə olunur.

“Ət insan orqanizmi üçün faydalı hesab olunan qidalardan biridir. Lakin xəstə heyvanları kəsərək ucuz qiymətə insanlara satırlar ki, bu da insan sağlamlığı üçün çox ziyanlıdır. Ətin rəngini və qoxusunu dəyişmək üçün sağlamlığa ziyanlı kimyəvi qatqılardan istifadə olunur. Bu kimi ətlərdən istifadə olunduqda sağlam insanlarda maddələr mübadiləsinin və daxili orqanların funksiyası pozulur”.

Mütəxəssis bildirib ki, mənşəyi bəlli olmayan yerlərdən ət məhsullarının alınması məsləhət görülmür.

Ülkər Abdurahmanlı