Baydenin konvoyu qəzaya uğrayıb

ABŞ Prezidenti Co Baydenin konvoyu qəzaya uğrayıb.

Sfera.az bildirir ki, bu barədə Ağ Evdən açıqlama verilib. Qeyd olunub ki, hadisə Bayden və həyat yoldaşının Delaver ştatındakı tədbirə getdiyi zaman baş verib. 

Məlumata görə, yoldakı avtomobillərdən biri Baydeni qoruyan xüsusi xidmət orqanlarına məxsus maşınlardan birinə çırpılıb. Baydenin olduğu yerdən təxminən 40 metr aralıdakı kəsişmədə baş verən qəzadan sonra mühafizəçilər ABŞ prezidentini avtomobilə mindirərək sürətlə ərazidən uzaqlaşıblar.

ABŞ prezidenti və həyat yoldaşı Cil Baydenin vəziyyətinin yaxşı olduğu bildirilib. Məxfi Xidmət sözçüsü Stiv Kopek açıqlamasında hadisənin planlaşdırılmış bir hərəkət olmadığını və konvoyun insidentsiz bölgəni tərk etdiyini vurğulayıb.

Türkan