Ən çox və ən az çalışanlar – Sahələr üzrə iş saatının miqdarı

2023-cü ilin yanvar-oktyabr aylarının nəticəsinə əsasən Azərbaycanda rəsmi qaydada bir işçiyə düşən orta aylıq işlənmiş iş saatlarının miqdarı 148,1 saat olub. 

Sfera.az xəbər verir ki, işdə daha çox vaxt keçirənlər dövlət idarəetməsi sahəsində çalışanlardır. Onlar ay ərzində 155,4 saat işləyirlər. 

Su təchizatı sahəsində çalışanlar ayda 153,7 saat, ticarət sahəsində çalışanlar 153,5 saat, elektrik enerjisi sahəsində çalışanlar 152,6 saat işləyib.

Ən az işləyənlər isə özəl bölmənin xidmət sektorunda çalışır. Onlar ay ərzində 138,3 saat işləyir. Bundan başqa təhsil (140,3 saat) sahəsində çalışanların da iş saatının miqdarı az olub.

Vasif