Deputat “yastıq altında” saxlanılan pullardan DANIŞDI

“Banklardan kənarda saxlanılan nağd pulun həcmində artım var”.

Sfera.az bildirir ki, bunu iqtisadçı, deputat Vüqar Bayramov deyib. Onun sözlərinə görə, hazırda banklardan kənarda 14 milyard 941 milyon manat nağd vəsait var:

“Əgər bu ilin ilk 8 ayının yekunlarına görə evlərdə 14 milyard 604 milyon manat saxlanılırdısa, bu rəqəm 9 aylıq yekunlarda 14 milyard 741 milyon manat olub. Bu ilin ilk 10 ayında isə banklardan kənarda nağd pulun həcmi əvvəlki ilin uyğun dövrü ilə müqayisədə 17 faiz artaraq 5 milyard manata çatıb. “Yastıq altında” böyük həcmdə nağd pulun saxlanılması real sektorun maliyyələşdirilməsi baxımından arzuolunan deyil”.

Millət vəkili bildirib ki,  həmin pulların çox hissəsinin banklar vasitəsilə iqtisadiyyata yönəldilməsi mümkündür:

“Evlərdə saxlanılan nağd pulun həcminin çox olması banklara inamın artırılması istiqamətində işlərin daha da sürətləndirilməsini prioritetləşdirir. Bu kontekstdən, zəif bankların bağlanması deyil, onların konsolidasiyası, yəni birləşdirilməsi mexanizminə ehtiyac var. Bu nağd vəsaitlərin banklar vasitəsi ilə real sektora yönəlməsinə gətirib çıxara bilər”.

Günay