"Zelenskinin ABŞ-a səfəri Ukrayna üçün vəziyyəti daha da pisləşdirdi" - “Foreign Policy”
Ukrayna prezidenti Volodimir Zelenskinin ABŞ-a səfəri ilə əlaqədar Kiyevin gələcəyi daha qeyri-müəyyən hal alıb.
Sfera.az xəbər verir ki, bu barədə Amerikanın nüfuzlu “Foreign Policy” nəşri yazı dərc edib.
Bildirilib ki, səfər zamanı ABŞ Konqresindən olan respublikaçılar Meksika ilə öz cənub sərhədlərində pis vəziyyətə görə Kiyevə artıq maliyyə yardımı etmək istəmədiklərini təsdiqləyiblər.
“Konqresmenlərin diqqəti hazırda bu problemə yönəldiyi üçün, Vaşinqtona pul dilənməyə gələn Zelenski vəziyyəti daha da gərginləşdirdi”, – deyə materialda qeyd olunur.
Müəlliflər əlavə ediblər ki, hazırkı prezident Co Baydenin rəhbərlik etdiyi Ağ Ev dəfələrlə Kiyev hakimiyyətinə münaqişələrə yol verməmək üçün Konqresdəki Respublikaçılar Partiyasının üzvləri ilə əlaqə saxlamamağı tövsiyə edib.
