Madonna səhnədə gənc sevgilisini öpdü
65 yaşlı Madonna 30 yaşlı sevgilisi Coş Popperi konserti zamanı səhnəyə çıxarıb. Pop divanın yeni sevgilisi uşaqlarından birinin boks məşqçisidir.
Sfera.az bildirir ki, Madonna anşlaqla başa çatan konserti zamanı səhnədə sevgilisi Coş Popperin yanağından öpüb. Qeyd edək ki, konsertin iki saat gecikməsi pərəstişkarlarının hiddətinə səbəb olub.
Coş Popper yırtıq qara şalvar və idman ayaqqabısına uyğun 350 dollarlıq Diplomats Decide köynəyi geyinib. Madonna isə kombin üçün qara və gümüşü büstiyer, opera əlcəkləri və dabanlı ayaqqabı seçib.
Madonna adətən belə konsertlərdə məşhur dostlarını səhnəyə dəvət edir. Bu dəfə Culiya Foks, Debi Mazar, Donatella Versaçe, Arca və Diplo onun yanında olublar.
Nyu-York konserti Madonnanın ABŞ-da ilin ilk çıxışı olub. Qeyd etdiyimiz kimi konsert iki saat gecikib. Səs yoxlaması ilə bağlı problemlər səbəbindən konsert təyin olunan 21:00-da yox, 22:45-də başlayıb.
Konsert zalının qapıları saat 19:30-da açılıb. Madonnanın DJ-i Honey Dijonun çıxışı saat 20:30-da başladığı üçün, konsert izləyiciləri səhvən müğənninin konsertə iki-üç saat gecikdiyini düşünüblər.
Xatırladaq ki, Madonnanın 2019-2020-ci illərdə baş tutmalı olan 75 günlük “The Madame X” turu, Madonna diz və omba nahiyəsindən aldığı zədədən sonra ləğv edilmişdi.
Madonna bu yaxınlarda öz bioqrafik filmi - "Balaca sərçə"ni çəkməyi planlaşdırır. Filmdə baş rolu üçqat Emmy mükafatı laureatı Culiya Qarner canlandıracaq.
Aynil
Sfera.az
