Havaların soyuması ilə qrip, soyuqdəymə kimi xəstəliklər geniş yayılıb. Bir çoxumuz isə xəstəliklərdən qorunmaq, yaxud tez sağalmaq üçün “Nimesil”, “Qriphot” kimi toz dərmanlarından istifadə edirik. Lakin bu dərmanların bir sıra ziyanları var.

Bəs, bu dərmanların ziyanları nədir?

Mövzu ilə bağlı Sfera.az-a danışa həkim –terapevt Vasif İsmayıl bildirib ki, toz dərmanların qarışdırılıb içilməsi qaraciyər hüceyrəsinin nekrozuna səbəb olur.

“Qaraciyərin toksiki zədələnməsinə səbəb olan dərmanlar qeyri-steroid iltihabəleyhinə preparatlar hesab olunur. Bunların arasında ən təsiredici “Nimesil” və “Parasetamol” hesab olunur. Bu dərmanların yüksək dozada  qəbul edilməsi qaraciyərə mənfi təsir göstərir”.

Həkim bildirib ki, insanlar toz dərmanlarının zərərlərindən xəbərsiz olduqlarına görə kütləvi şəkildə bu preparatlardan istifadə edirlər:

“3-6 aya qədər olan körpələr, böyrək və qaraciyər çatışmazlığı olanlar, xroniki xəstəliyi olanlar, hamilə qadınlar üçün də bu  preparatlar çox təhlükəlidir”.

Ülkər Abdurahmanlı