Selena Qomez yeni sevgilisi ilə fotosunu nümayiş etdirdi - FOTOLAR

Amerikalı müğənni Selena Qomez sevgilisi, 35 yaşlı prodüser Benni Blanko ilə yeni fotosunu paylaşıb. Sənətçi fotonu 429 milyondan çox abunəçisi olan İnstaqramda yerləşdirib.
 

Sfera.az bildirir ki, Selena Qomez və prodüser Benni Blanko 2023-cü ilin yayından görüşürlər, lakin uzun müddət bu münasibəti gizlədiblər.
Ağ-qara fotoda Blanko gülümsəyən sevgilisini qucaqlayır.
 

Müğənni etiraf edib ki, sevgilisi onunla hamıdan yaxşı davranır.
 

Qeyd edək ki, cütlük əvvəllər Selenanın mahnıları üzərində birlikdə çalışıb. Blanko 2023-cü ilin yayında sənətçinin ad günündə də iştirak edib. Görünür, onların mübasibəti məhz bundan sonra başlayıb.


Bundan əvvəl Qomez Castin Biberlə uzun müddət birlikdə olub. Onlar 2018-ci ildə ayrılıb, Castin hal-hazırda model Heyli Biberlə evlidir. Selenanın sevgililər siyahısına Endryu Taqqart, Zeyn Malik, Nik Conas, The Weeknd və Twilight ulduzu Taylor Lautner də daxildir.
 

Biber və Heylinin 5 ildən artıq evli olmasına baxmayaraq, zaman-zaman Selenanın pərəstişkarları modeli təhqir edir və Castinin hələ də Selenanı sevdiyinə inanırlar. Lakin məşhurlar özləri münaqişəni təkzib ediblər. Dəfələrlə Selena öz pərəstişkarlarına müraciət edərək, belə etməməyə səsləyib. O, hətta postlarında Heylini tərifləyərək, “kaş ki Heyli kimi gözəl olardım” deyə paylaşım da edib.

Aysel

Sfera.az