Son bir ildə dünyada ərzaq qiymətləri 10 faiz ucuzlaşıb

BMT-nin FAO təşkilatının açıqladığı məlumata əsasən 2023-cü ilin noyabrında qlobal ərzaq qiymətləri 10,6 faiz enib.

Sfera.az xəbər verir ki, ərzaq qiymətlərinin bu qədər enməsinə taxıl və süd məhsullarının, həmçinin yağların ucuzlaşması səbəb olub.

Son bir ildə taxıl məhsullarının qiyməti səviyyəsi 19,4 faiz, süd məhsullarının qiymət səviyyəsi 16,9 faiz, bitki yağlarının qiymət səviyyəsi 19,8 faiz enib. Bunlardan başqa ət qiymətlərində də 2,4 faizlik azalma baş verib.

Adıçəkilən məhsul qruplarında ucuzlaşma baş versə də son bir ildə şəkərin qiyməti kəskin artıb. Noyabrda illik müqayisədə şəkərin qiymət səviyyəsi 41 faizdən çox artıb. Məhz şəkərin kəskin bahalaşması ümumən ərzaq mallarının qiymətində daha çox enmənin qarşısını alıb.

Qeyd edək ki, dünyada ərzaq qiymətləri ensə də Azərbaycanda son bir ildə ərzaq qiymətlərində 1,3 faiz artım baş verib.

Vasif