Lotereyada 13 milyon dollar qazanan şanslı şəxs kimsəsiz öldü - FOTO
1995-ci ildə 11 milyon funt sterlinq (13,7 milyon dollar) məbləğində böyük cekpot qazanan 73 yaşlı Pol Maddison vəfat edib.
Sfera.az bildirir ki, Maddisonun həyat hekayəsi çox qəribədir.
74 yaşında vəfat edən kişi zahid həyatı yaşayırdı və çox az adamla ünsiyyət qururdu. Onun 62 yaşlı həyat yoldaşı bir neçə ay əvvəl dünyasını dəyişib.
Maddisonun həyatı lotereyada qalib gəldikdən dərhal sonra alt-üst oldu. Sevimli həyat yoldaşı Rut ondan boşanaraq, özünə başqa kişi tapıb.
Paul üçün ev işlərinin öhdəsindən gəlmək çətin olduğundan o, Evelin MakQillivari adlı təmizlikçi işə götürüb. Vaxt keçdikcə bir-birlərinə aşiq olan cülük 1997-ci ildə Sevgililər Günündə dəniz kənarında toy edərək evləniblər.
Evləndikdən sonra Maddison Dumfries (Şotlandiya) yaxınlığında, 16-cı əsrə aid tarixi bina olan “Robgill Tower”alıb. Mülk 650 min funt sterlinq (təxminən 30 milyon UAH) dəyərində olub.
Qonşular cütlüyün ünsiyyətcil olmadığını və nadir hallarda kimləsə söhbət etdiyini deyirlər. Paul evə başdan-başa müşahidə kameraları, uzaqdan idarə olunan qapılar və domofon quraşdırıb.
Zaman keçdikcə Maddison ailəsi evlərini 2,8 milyon funt sterlinqə (təxminən 130 milyon UAH) satışa çıxarıb.
"Bu, inanılmaz və çox xoşbəxt bir ev olsa da, bizim üçün çox böyükdür. Bəzən yataq otaqlarını sırf dəyişiklik olsun deyə, dəyişirdik. Bizə o qədər də çox yer lazım deyil" - deyə Evelin müsahibəsində bildirib.
Maddisonun 62 yaşlı həyat yoldaşı bu ilin əvvəlində ağır xəstəlikdən dünyasını dəyişib. Özü, həyat yoldaşından sonra bir neçə ay yaşayıb. Hüquq-mühafizə orqanları onun bədənində zorakılıq əlamətlərinin olmadığını bildirib və işi bağlayıb.
Xanım
Sfera.az
