Qlobal bazarlarda diqqətlər FED-ə yönəlib

Qlobal bazarlarda diqqətlər yenidən FED-in qərarına yönəlib.

Sfera.az xəbər verir ki, ABŞ-də mərkəzi bank funksiyasını həyata keçirən FED 2023-cü ilin son iclasını keçirərək faiz qərarını açıqlayacaq.

Mütəxəsislərin əksəriyyəti FED-in son toplantıda da faizləri sabit tutacağını düşünür. Hazırda ABŞ-də uçot dərəcəsi 5,25-5,5 faiz arasındadır və bu ilin iyulundan bəri dəyişmir. Mövcud faizlər son 22 ilin ən yüksək faizləridir.

Birjalarda gözlənti ondan ibarətdir ki, gələn ilin ikinci rübündən FED faizləri tədricən endirəcək. Son toplantıda FED rəhbəri faizləri hansı aydan endirməyə başlayacaqlarına dair işarə verəcək.

Xatırladaq ki, ABŞ-də faizlər qeydə alınan yüksək inflyasiya səbəbindən artırılıb. Faizlər bu həddə çatdırılanda ABŞ-də illik inflyasiya 5-6 faiz səviyyəsində idi. Hazırda isə illik inflyasiya 3,1 faizə düşüb. Dinamika göstərir ki, növbəti aylarda da inflyasiya səviyyəsi enəcək.

Əgər inflyasiyanın səviyyəsi aşağı həddə sabitləşərsə FED faizləri də endirəcək.

Faizlərin yüksəlməsi dollarla alınan borcların bahalaşmasına səbəb olmuşdu. Bu hal dollarla verilən kreditlərə tələbi azaltmaqla yanaşı əvvəllər dollarla götürülən bəzi kreditlərə görə xərcləri də artırıb.

Vasif