Hindistanlı milyarder Adar Poonavalla ailəsinin fəaliyyətinə görə "peyvəndlər şahzadəsi" adlandırılır. Poonavalla ailəsi Hindistanın Serum və Peyvənd İnstitutunu idarə edir və Oksfordda bir sıra tədqiqatları maliyyələşdirib.
 

Sfera.az bildirir ki, milyarder Adar Poonavalla bu il Hyde Park yaxınlığındakı eksklüziv “Mayfair” ərazisində 138 milyon funt sterlinq malikanə alaraq, "Londonun ən bahalı evi"nin sahibi olub.
 

5000 kvadrat metrlik ev Londonda ikinci ən bahalı əmlak satışıdır. Bununla belə, Poonavalla ailəsinin daimi olaraq Böyük Britaniyaya köçmək planları yoxdur. Onlar bu dəbdəbəli Aberconway malikanəsini Böyük Britaniyada olduqda şirkət və ailə üçün baza kimi xidmət etmək üçün alıblar.
 

Adar əvvəllər bu tarixi malikanəni həftədə 50 min funt sterlinqə icarəyə götürüb.


Adar Poonavalla “Aberconway House”u Polşanın ən zəngin adamı Yan Kulçikin qızı Dominika Kulczykdən alıb. “Aberconway House” Hyde Park yaxınlığında 1920-ci illərdə tikilmiş 25.000 kvadrat metrlik malikanədir.


Lüks əmlak agentlərinin fikrincə, bu qiymət əmlakı Londonda indiyə qədər satılan ikinci ən bahalı ev və ilin ən böyük sövdələşməsinə çevirir.
 

Satış müqaviləsinə görə, mülk Poonavalla ailəsinin Hindistan Serum İnstitutunun Böyük Britaniyadakı törəmə şirkəti “Serum Life Sciences” tərəfindən alınacaq.
 

Xanım Kulczykin beş mərtəbəli qırmızı kərpicdən tikilmiş malikanəni üç il əvvəl 57 milyon funta satın aldığı bildirilir.


Adar Poonavalla iku övlad atasıdır, Canterburydəki St Edmund Məktəbində və Vestminster Universitetində təhsil alır. Onun Pikasso, Dali, Rembrandt və Rubensin rəsmlərinə, həmçinin 35-ə yaxın nadir avtomobil parkına sahib olduğu deyilir.
 

Agentlərə görə, 2023-cü ilin növbəti ən böyük sövdələşməsi “Hanover Lodge”dir. Bu malikanə 113 milyon funt sterlinqə alınıb. “Essar Group” milyarderi Ravi Ruian Regents Parkda yerləşən bu malikanəni rusiyalı mülk investoru Andrey Qonçarenkodan alıb.


Londonda ən bahalı ev satışı isə 2020-ci ilin yanvarında satılan 2-8a Rutland Gate olub. Bu mülk, “Evergrande”nin qurucusu və sədri, Səudiyyə vəliəhdi Sultan bin Əbdüləzizə Hui Ka Yang tərəfindən rekord qiymətə (210 milyon funt) satılıb. Əmlak indi yenidən satışa çıxarılıb, lakin çox bərbad vəziyyətdədir.
 

2011-ci ildə Serum İnstitutunun rəhbərliyini atasından təhvil alan Poonavalla isə, 2021-ci ildə II dərəcəli siyahıya alınmış bu mülkü əvvəllər həftədə 50.000 funt sterlinqdən çox qiymətə icarəyə götürüb.
 

Qırmızı kərpicdən tikilmiş bu heyrətamiz iqamətgah bu evi tikən sənayeçi Baron Aberkonvey kimi tanınan Henri Dunkan Maklarenin adını daşıyır. Henri Dunkan XI əsrin əvvəlində yaşamış sənayeçidir.
 

Qeyd edək ki, 2021-ci ildə Poonavalla ailəsi Oksford/AstraZeneca peyvəndinin yüz milyonlarla dozasını istehsal edən yeni peyvənd tədqiqat mərkəzi tikmək üçün Oksford Universitetinə 50 milyon funt sterlinq təklif edib.

Xanım

Sfera.az