Taylandın Banqkok Beynəlxalq Hava Limanında təhlükəsizlik əməkdaşları qalın şalvar geyinmiş bir sərnişinin şalvarının tərpəndiyini görüblər. Baxış zamanı 22 yaşlı turistin alt paltarında iki Asiya su samuru və bir çöl iti (məməli heyvan növü) aşkar ediblər.

Sfera.az bildirir ki, qaçaqmalçılıqdan xilas edilən məməlilərə Vəhşi Təbiəti Mühafizə Departamenti tərəfindən sığınacaq verilib.

Səyahətçinin Taypeyə təyyarəyə minməyi planlaşdırdığı bildirilir. Yerli qara bazardan alınmış ekzotik körpə heyvanları sərhəddən qeyri-qanuni keçirmək üçün gənc oğlan onları üç qara corabın içinə dolduraraq tumanının içinə
qoyub.
 

Hüquq-mühafizə orqanlarının əməkdaşları şübhəli şəxsi saxlayıb. Ona Tailandda nadir heyvanların qorunması və mühafizəsi ilə bağlı bir sıra qanunlar üzrə ittiham irəli sürülüb.


Gömrük rəsmisi:
 

"Tailand ekzotik heyvan qaçaqmalçılığı üçün qapı deyil. Biz heyvanları təyyarələrə mindirməyə cəhd edən hər kəs haqqında tədbirləri sərtləşdirəcəyik"-deyə bildirib.
 

Qeyd edək ki, Tayland tarixən qeyri-qanuni heyvan ticarəti üçün mühüm tranzit mərkəzi olmuşdur. Qaçaqmalçılar tez-tez ekzotik və nadir heyvanları qonşu Çinə aparırlar.

Aysel

Sfera.az