Dollar-lirə kursunda yeni rekord göstərici qeydə alınıb.

Sfera.az xəbər verir ki, bu gün birjalarda bir dollar 29 lirəyə dəyişdirilib.

Bir ay əvvəl bir dollar 28,5 lirə, üç ay əvvəl 27 lirə, altı ay əvvəl 23,6 lirə idi. Bir il əvvəl isə bir dolları 18,5 lirəyə almaq mümkün idi.

Lirənin ucuzlaşması Azərbaycanda da hiss edilir. Azərbaycan Mərkəzi Bankının manatın xarici valyutalara qarşı məzənnələrinə dair açıqladığı məlumata əsasən ölkəmizdə bir lirə 0,058 manatdır. Hazırda 100 lirə almaq üçün 5,8 manat tələb olunur.

Türk lirəsinin ucuzlaşmaqda davam etməsi Türkiyədə inflyasiyanın yüksəlməsinə, əhalinin pensiya və maaşlarının alıcılıq qabiliyyətinin zəifləməsinə səbəb olur. 

Vasif