Neftin ucuzlaşması dayanıb, qiymətlərdə artım var

Son günlərdə neft qiymətlərində müşahidə edilən enmə prosesi dayanıb, qiymətlərdə artım dinamikası müşahidə edilir.

Sfera.az xatırladır ki, bu ilin noyabrın 30-dan dekabrın 7-nə kimi neft qiymətlərində enmə baş vermişdi. Həmin müddətdə “Brent” neftinin qiyməti 84,3 dollardan 74 dollara qədər düşdü.

Son günlərdə isə “Brent” neftinin qiymətində artım baş verir və hazırda bu markalı neft 76-76,5 dollara satılır.

Oxşar qiymət dəyişikliyi Azərbaycanın ixrac etdiyi “Azeri Light” markalı neftdə də müşahidə edilir. Bir həftə ərzində dəyəri 86 dollardan 78 dollara düşən “Azeri Light” neftinin qiyməti yenidən 80 dolları ötüb.

Vasif