Putinin təyyarəsini raketlərlə təchiz olunmuş 4 qırıcı müşayiət etdi - FOTO

Rusiya Prezidenti Vladimir Putin rəsmi görüş üçün Birləşmiş Ərəb Əmirliklərinə (BƏƏ) gedib. Putinin BƏƏ-yə səfəri zamanı onu raketlərlə təchiz edilmiş 4 ədəd Rusiya Su-35 döyüş təyyarəsi müşayiət edib.

Sfera.az xəbər verir ki, Rusiya Müdafiə Nazirliyinin yayımladığı videoya görə, Putinin olduğu İL-96 təyyarəsini müşayiət etmək üçün döyüş təyyarələri də havaya qalxıb.

Rusiya prezidentinin təyyarəsini müşaiyət edən Su-35S döyüş təyyarələrinin hava hədəflərini vura bilən R-73 və R-77 raketləri daşıdığı görülüb.

Putin paytaxt Əbu-Dabiyə enənə qədər Rusiya qırıcıları onun səfərini müşayiət etməyə davam edib.

Nazirlikdən verilən açıqlamada qeyd olunub ki, müxtəlif dərəcəli standart aviasiya silahları ilə təchiz edilmiş Su-35S beynəlxalq uçuş boyu prezident təyyarəsinə hava dəstəyi verib.

Firuzə Əliyeva